-- Advertisements --

TACLOBAN CITY – Nagpapabilin nga positibo ha Red Tide an pito nga kadagatan ha Sinirangan Bisayas, subay ha Bureau of Fisheries and Aquatic Resources (BFAR) Regional Office VIII.

Subay man gud ha pinaka bag-o nga shellfish bulletin, nagpapabilin nga positibo an mga kadagatan ha saxitoxin nga nagdudurot hin Paralytic Shellfish Poisoning an mga shellfish meat samples nga ginkolekta ha masunod nga mga lugar:

  1. 1. DARAM ISLAND, Samar
  2. 2. ZUMARRAGA ISLAND, Samar
  3. 3. CAMBATUTAY BAY, Tarangnan, Samar
  4. 4. MATARINAO BAY (General MacArthur, Quinapondan, Hernani, ngan Salcedo)
  5. 5. IRONG-IRONG BAY, Catbalogan City
  6. 6. MAQUEDA BAY, Samar (Jiabong, Motiong, Paranas, San Sebastian, Calbiga, Pinabacdao, Hinabangan)
  7. 7. CARIGARA BAY (Babatngon, San Miguel, Barugo, Carigara, Capoocan, Leyte)

Mahugot nga igindidire an panguha, pagkaon, ngan pangolekta han ngatanan nga klase hin pangti-on o Shellfish ngan Acetes Sp. o Alamang nga tikang ha nasabi nga kadagatan.

Mayda naman kaka-atubangon nga kaangayan nga penalidad an hin-o man nga magtatalapas ha nasabi nga Shellfish Ban.

Samtang, ada naman ha ilarom han LOCAL RED TIDE WARNING an mga masunod nga kadagatan:

  1. 1. Coastal Waters of BILIRAN ISLAND
  2. 2. Coastal Waters of CALBAYOG, SAMAR
  3. 3. Coastal Waters of Leyte, Leyte
  4. 4. Villareal Bay of Villareal, Samar

SA IBA PANG MGA BALITAMULA SA MAY-AKDA