NATIONAL- Mas nagin malipong pa an imbestigasyon ha ma-anomalya nga flood control kickback scheme han Department of Public Works and Highways (DPWH).
Subay ha anay DPWH Engineer Brice Hernandez, may mga senador gihapon nga dabi ha anomalaya.
Ha nagin pahayag ni Hernandez in kabaliktaran ha nagin testimonya ni Curlee Discaya ha Senate Blue Ribbon Committee kakulop nga adlaw Setyembre 8, 2025.
Manunumduman, nagpakiana hi Senador Jinggoy Estrada kun may senador ba nga dabi ha mga transaksyon, tahasang an baton ni Discaya in waray.
Mahuman an baton ni Discaya, nag intrimes pa hi Committee Chairman Sen. Rodante Marcoleta kan Estrada nga, “Safe ka na,” nga iginka pikon hiton senador.
Ginhangyo pa ni Estrada nga tangalon ha opisyal nga record an mao nga intremis kumo pag respeto ha pormalidad han hearing.
Dinhi gindabi ni anay Department of Public Works and Highways Bulacan 1st District Assistant Engineer Brice Hernandez an ngaran nira Senador Jinggoy Estrada ngan hi Sen. Joel Villanueva nga nakatagamtam ha kontrobersyal nga mga proyekto.
Gin-aaligar nga naka-karawat daw hi Sen. Estrada hin P355 million samtang P600 million nga kantidad han proyekto naman an kan Sen. Villanueva.
Dayon naman ine nga gindiwara ni Sen. Jinggoy Estrada an alegasyon ni Hernandez.
