TACLOBAN CITY – Mahitungod daw hiton mga nagkakai-igo nga mga tubo an rason han pira nga problema kaparte hiton tubig.
Sumala kan Ronnie Cornico, General Manager hiton Leyte Metropolitan Water District, mayda daw manggud sigidas la iton bungkal kun naghihimo hin mga drainages ngan dire nasarit haira sanglit naaigo danay an mga tubo ngan natagas iton tubig.
Sanglit, nagpapahinay daw hira han awas ngada ha pagparong agud maayad an mga naiigo nga tubo.
Samtang, ginpasabot gihapon hine nga ha downtown area in nagbalhin na hira ngadto ha bag-o nga linya sanglit adton mga waray daw magpabalhin ha bag-o nga linya in mawawarayan la anay hin awas labi na adto mga ilegal nga nagpaka-kabit.
Tinikangan daw yana nga Lunes, Hunyo 17, in magtitikang na hira han pag-decommission kun diin paparungon na an awas han daan nga linya ngan aabrihan liwat an bag-o kun diin mas makurukusog daw ine.
