TACLOBAN CITY – Ginlalauman an paghitaas han presyo han pira nga mga utanon ha merkado hiton Tacloban mahitungod han kakulangan han suplay han mga ine.
Sumala kan Brenda Pepito, Chief Agri-business and Marketing Assistance Division han Department of Agriculture Regional Office 8, kulang hin suplay ha merkado han pipira nga mga utanon sugad han marigoso ngan native pechay rason han paghitaas han presyo han mga ine, samtang supresyente naman iba nga suplay han mga lowland vegetables.
Dugang pa han mao nga opisyal, an presyo han mga utanon nga kulang ha merkado in nadepende ha kadamo han suplay sanglit naghihitaas an presyo hine.
An marigoso nga tag-P110 an kilo in aada na an presyo ha P120 kada kilo, samtang an native pechay naman nga anay in tag-P90 an kilo, hapagkayana in aada na ha P100 kada kilo.
Para naman han mga utanon nga waray magkulang han suplay in magpapabilin an mga ine ha ira orihinal nga presyo.
