TACLOBAN CITY – Maabot ha lima nga mga tricycle drivers an nagkadadakop han Traffic Operations Management Enforcement and Control Office (TOMECO) ha ira gindumara nga surprise operations ha syudad.
Sumala kan Restituto Reglos, Chief for Operations han TOMECO, kaupod nira ha ira gindumara nga operasyon an mga tinaglawas han Business Permit and Licensing Division (BPLD) ha Tacloban sugadman an mga kapulisan.
Ini in nagresulta ha pagkadadakop han lima nga mga colorum nga tricycle o adton mga nagbibiyahe ha syudad bisan kun waray an mga ini permit ngan prangkisa.
Maabot naman ha 500 pesos an multa han mga ini ha kada usa nga violation.
Ha pagkayana in maabot mayda sobra 2000 nga mga tricycle drivers ha syudad ngan aminado an TOMECO nga pira pa ha mga ini an nag ooperate ha kaluyo han kawaray permit tikang ha syudad.
