TACLOBAN CITY – Andam na an turismo han Eastern Samar para han halaba nga bakasyon pero padayon la gihapon nga igpapatuman an kamanduhan han gobyerno nga magsul-ot han facemask bisan paman kun ada na an ira probinsya in ada na ha Level 1.
Sumala kan Niel Pinarok, Provincial Tourism Officer han Eastern Samar, nagmando an ira gobernador nga hi Gov. Ben Evardone nga igpatuman la gihapon an pagsul-ot han facemask ngan padayon nga sundon an social distancing.
Gin aghat naman han mao nga opsiyal adton mga tourism sites nga magin vigilante la gihapon han pag-aro han mga requirements ha mga mabisita sugad han vaccination card, ngan pagsul-ot han facemask.
Ginbisita naman daw han mga ine adton mga tourist destination han ira probinsya para han pan nginano ngan inspeksyon.
