-- Advertisements --
TACLOBAN CITY- Nagpapadayon la guihapon an guindudumara nga eartquake drill ha magkadirudilain nga skwelahan ha Sinirangan Bisayas.
Ini in may kalabutan han padayon nga aftershocks nga naeeksperiensyahan tikang pa dida han nakalabay nga mga adlaw.
Man ngani, ha Hinunangan, Leyte partikular ha Canipaan Elementary School, guin pangunahan an mao nga aktibidad ni Police Chief Inspector Elizar R. Gonzaga, hepe han Hinunangan PNP.
Panuyo han earthquake drill nga ma-edukar an mga studyante may kalabutan han mga angay buhaton
inkaso nga makaabat hin linog.
Mababaruan nga guinpagawas han Philippine Volcanology and Seismology (PhilVolcs) nga hataas ha risgo an pira nga mga municipalidad han Southern Leyte.
