TACLOBAN CITY – Nagtitikang na an pangandaman ngan preparasyon han pira nga mga kariguan o mga resorts ha syudad para hiton tiarabot nga summer yana nga tuig.
Sumala kan Rey Cañeso, tag-iya hiton usa nga Beach Resort ha syudad , nakikita niya nga nabalik na ha dati iton mga kariguan ngan iba pa nga mga pahalibwayan ha syudad yana nga nawawara na iton kahadlok para han pandemya.
Ginlalauman naman daw nga madamo iton mga katawhan nga mapakadto ha mga beach resort, bisan paman kun maihaay pa iton summer labi na yana nga harani na iton semana santa kun diin pira han nga katawhan in nag seselebrar hiton semana santa ha mga kariguan.
Samtang, ha pagkayana in nakarekober naman na daw hira tikang ha kalugian nga ira gin abat dida han kakusgan han pandemya kun diin ginpahugot han syudad an mga restrictions ala kontra ha COVID-19.
Dire naman gintutugot an pagdara hin bisan anu nga mga hinganiban kun mabisita ha mga beach resort.
