TACLOBAN CITY — Magpapailarom ha training an pira nga mga Pastor tikang ha magkalain-lain nga relihiyon ha Region 8 agud maging kasugbong ngan makabulig ha espiritual attainment han mga kapulisan.
Sumala kan PLt. Hazel Vacal, Information Officer han Leyte Police Provincial Office, deri igkakalirong nga mayda pipira nga mga kapulisan nga nasulod ha ilegal nga aktibidad kun diin gawas na ini ha mandato han PNP.
Ini nga nasabi nga mga Pastor in mabisita mismo ha mga Municipal Station ha rehiyon agud tutduan an mga kapulisan nga pag-istudyuhan an pulong han Ginoo ngan maharayo ha maraot nga buruhaton.
An mao nga programa in gintawag nga “Bless Our Cops School of Leadership Training” nga presente naman nga gindudumara ha pagkayana ha pira nga police station ha rehiyon.
