TACLOBAN CITY – Ginkakabarak-an han pira nga mga opisyal an pag apruba han uniform travel protocols ha tanan nga mga Local Government Units (LGU).
Sumala kan Tacloban Vice Mayor Jerry Sambo Yaokasin, nga medyo risky ini matungod nga posible maghataas an kaso han COVID-19 tungod makakampanti na an mga katawhan paglinakat-lakat yana nga ginpahukalan na an travel protocols.
Sugadman an pagpatuman liwat han uniform travel protocols in makakabulig agud nga makabakdaw ekonomiya han nasud matungod mas madamo na an mga mamarasyada.
Naglalaum naman an mao nga opisyal matikangan na ha madagmit nga panahon an panbakuna ha mga katawhan agud nga malikayan an utro paglobo han COVID-19 cases.
Nanawagan gihapon ini ha publiko nga igpabilin an pagigin ikmat ngan mahugot la gihapon nga magsunod ha iginpapatuman nga minimum health standards.
