TACLOBAN CITY – Naglalaum an pira nga mga Overseas Filipino Workers (OFWs) ha Washington DC nga magiging mahimyang an nakatalaan nga inagurasyon ni President-elect Joe Biden yana nga adlaw.
Ini in ha butnga han kabaraka han kadam-an ha posible nga mahitabo nga kasamok nga pagbubuhaton han daw mga supporters ni outgoing US President Donald Trump nga kun mahinunumduman nan-atake ha US capitol han naglabay nga mga semana.
Sumala kan Rene Calandria, Bombo International correspondent, nagdako ha Carigara Leyte,ha pagkayana in nakaalerto an mga otoridad ha Washington agud nga masiguro nga magiging mahimyang an transition of power kan US President-elect Joe Biden.
Nagtutuo gihapon ini nga maaakos han mga military personnel ngan sobra 20,000 nga mga national guards nga mapabilin an seguridad ha kabug-usan han inagurasyon.
Ini naman an pinakasyahan nga higayon nga naging sugad kahugot an seguridad ha pagbabantay han inagurasyon han bag-o nga presidente han mao nga nasud.
