TACLOBAN CITY — Nagtotoo an pira nga mga negosyante nga mas maribhong an ekonomiya ha Tacloban yana nga diri na kinahanglan an negative RT-PCR test result ha mga masulod ha Tacloban ngan mga macheck in ha mga hotel.
Sumala kan Colai Go, Director han Filipino-Chinese Chamber of Commerce and Industry Tacloban Chapter, an mao nga pitad in usa nga maupay nga development para ha ira nga mga negosyante labi na ha mga hotel ngan lodging house owners nga usa ha mga pinaka naapektaran han pandemya.
Dugang pa hini nga mas madamo na an mga guest nga macheck-in ha mga hotel ngan lodging house matungod nga diri na kinahanglan nga magpa swab anay.
Pero luyo hini kinahanglan naman nga mas magin strikto ha pagpapatuman han health protocols an siyudad agud nga diri liwat magin mitsa hin utro nga pagdamo han COVID cases an pagtanggal han requirement nga negative RT-PCR test result.
