TACLOBAN CITY– Naglalaom an pira nga mga negosyante, nga matutuman an nagin saad ni Pangulong Ferdinand Marcos Jr. nga ha tiarabot nga bulan hiton Disyembre yana nga tuig in makakaagi adton mga sarakyan nga may timbang nga 12 metric tons nga matabok ha San Juanico Bridge.
Sumala kan Tanauan Leyte, Former Mayor, Pel Tecson, ine nala an ira ginkakaptan nga paglaom nga matuman, matungod duro kamakuri an ira pagdadara hiton mga suplay nga ira ginpapalit gawas hiton probinsya han Leyte.
Dugang pa hine, kutob yana in halaba la gihapon iton pila han mga sarakyan, kun diin an gintutugutan la nga makatabok adton dire malahos ha 5 metric tons an kabug-at han sarakyan.
Sanglit natapod hira nga mga negosyante nga mapupukusan ine nga proyekto, partikular na nga hi Sec. Vince Dizon na an nangunguna kumo secretary han Department of Public Works and Highways (DPWH).
