-- Advertisements --
TACLOBAN CITY– Ginmalatumat hiton usa nga negosyante han syudad nga humamubo an inflation rate ha Sinirangan Bisayas.
Subay mangud ha ginpagawas nga datos han Philippine Statistics Authority (PSA) nakaghipatik an rehiyon hin 1.8% tikang ha 2.1% han nakalabay nga bulan.
Sumala kan Philippine Chamber of Commerce and Industry Tacloban Leyte Chapter, Eugene Tan, nga an gintamdan han mga ine an pag-hamubo han presyo han fuel, ngan bugas han nakalabay nga Marso.
Dugang pa ni Tan, ine nga mga factor an ginbasihan kun kay-anu humamubo an inflation.
Ginmalatumat gihapon hine, nga nakabulig gihapon an paghamubo hiton demand nga nagresulta hiton paghamubo han inflation ha rehiyon 8.
