TACLOBAN CITY – Nagpahayag hin diri pag-abuyon an pira nga mga negosyante ha syudad han Tacloban ha nakatalaan nga igpapatuman nga panibag-o nga traffic scheme yana nga maabot nga Pebrero 21.
Sumala kan Jack Uy, Presidente han Filipino- Chinese Chamber of Commerce and Industry Inc. nga nakontra hiya ha mao nga panibag-o nga skema han trapiko ngan nagtutuo hiya nga diri hini masosolbar an proble ha trapiko ha syudad.
Ginkwestyon gihapon hini kun kay-ano nga mga eksperto pa tikang ha University of the Philippines ha pag-istudyo
ha trapiko ha kakarsadahan ha syudad.
Sumala pa kan Uy nga mas sadang nga konsultahon han mga ini an Traffic Operations Management and Control Office (TOMECO) bahin hini mahitungod nga hira an mas kabisado ha kun ano gud an dalagan han trapiko ha kakarsadahan ha syudad.
Diri gihapon daw ini dayon nga igplementa samtang diri pa nakokonsulta aan TOMECO ha pagpatuman hini.
