TACLOBAN CITY – Nagtutuo an pira nga opisyales ha Tacloban dire maikokonsidera nga ‘abuse of power’ an suspensyon o postponement han Barangay ngan SK Elections yana nga tuig.
Una hini, lusot na ha House Panel an balaudnon nga pagsuspender han mao nga piniliay nga nakatalaan unta yana nga bulan han Disyembre.
Sumala kan Atty. Jerry Uy, konsehal ha syudad han Tacloban, dire matatawag nga ‘abuse of power’ an mao nga postponement tungod nga nasusubay ha balaud an pagkakaada hin gahum han Kongreso ha pagsarabot kun san-o pagdudumaraon an eleksyon.
Ha kaluyo hini, in aminado naman an mao nga opisyal nga kun ha masunod pa nga tuig pagdudumaraon an Brgy ngan SK Elections, posible nga mahitaas an kagarastusan nga dapat pondohan han gobyerno tungod nga madudugngan gihapon an mga botante sunod nga tuig.
