TACLOBAN CITY — Manilampuson nga nakagradwar na an pira nga mga drug surrenderees bungto han Baybay, Leyte ha libre nga skills training han Technical Education and Skills Development Authority (TESDA).
Sumala kan Loreta Banario, Provincial Director han TESDA Region 8, nga may pira naman nga mga surrenderee an waray magpadayon han mao nga skills training ngan mas ginpili nga magpabilin ha ira mga nauna nga trabaho o pakabuhi.
Nakatalaan naman nga mag gradwar an mga nagpailarom han traing ha bungto han Babatngon ngan Tanauan samtang ha siyudad han Tacloban naman in nagpapadayon an assessment ha readiness han mga surrenderee nga magpailarom ha skills training.
Gin-aaghat naman han TESDA an mga surrenderee nga taposon ngan seryoso nga umatinder ha mao nga training agud nga mabuligan hira nga mabago ngan mapauswag an ira mga kinabuhi pinaagi hin pag ka may-ada hin maupay nga pakabuhi ngan dayon na nga talikdan an illegal nga droga.
