TACLOBAN CITY – Ginkompirma han mga electric cooperative ha Eastern Visayas nga nawarayan na hin supply hin kuryente an pira nga mga lugar ha rehiyon mahitungod han bagyong Tisoy.
Sumala kan Chris Garcia, Information Officer han Leyeco ll, nga ada ha 16 nga barangay ha ira nasasakupan an nawarayan na hin kuryente mahuman nga maguba an primary ngan secondary lines hini tungod han makusog nga hangin.
Dayon naman ini nga ginhingayad pira la ka oras an nakalabay ngan naibalik na an supply han kuryente.
Samtang, nagpapabilin naman nga waray la gihapon kuryente ha Biliran, pira nga lugar ha Ormoc ngan Kananga, mga konsumedor ha ilarom han LEYECO I, LEYECO III ngan DORELCO.
Sumala kan Louisa Kay Granada Baretto, Information and Regulatory Compliance Officer of LEYECO III, nga ini in mahitungod han pagparong han National Grid Corporation of the Philippines (NGCP) mahuman nga magkamay-ada hin line-fault ha may Lemon-Capoocan nga linya.
Dugang pa hini nga hapagkayana in diri pa nahihingayad han NGCP an naguba nga linya mahitungod nga nakukurian pa an mga ini nga makasulod ha mao nga area tungod han kakusog han hangin.
