TACLOBAN CITY – Nagpahimatngun ha kag-anak an pira nga mga eksperto ha information technology nga bantayan ngan ig giya an mga anak ha paggamit hin mga internet ha ira mga mobile phones, laptops, tablets ngan computers.
Ini in kasumpay han ginkakabarak-an nga paghataas han ihap han mga kabataan nga na e-expose ha mga maglaw-ay nga kiritaon ngan buruhaton tungod han internet.
Sumala kan Ceasar Silay, Master Information Technology/ OIC han ACLC Tacloban College, nga importante nga ig monitor han mga kag-anak an mga kabataan labi na nga tungod han pandemya in online an pag aram han mga studyante.
Usa ha pamaagi nga pupuydi nga buhaton han kag-anak amu an pag install ha cellphone han ira mga anak hin application nga pan block han mga inappropriate nga sites, videos ngan iba pa.Dugang pa hini nga dapat gihapon nga limitahan an oras han paggamit han mga kabataan hin gadgets ngan tagan hin iba nga mga aktibidad nga akma ha iya edad.
