INTERNATIONAL–Nangangandam an dako nga parte han California mahitungod ha ginlalaoman nga makusog nga bagyo.
Sumala ha National Weather Service (NWS), ada ha 11-M ka residente han California an maaapektohan han nasabi nga bagyo.
Pira ka mga residente han Palisades, Sunset, ngan Hurst area an ginpaibakwit na.
Magdadara hin makusog nga hangin kutob 60 miles per hour an nasabi ga bagyo nga possible magin tornado.
Ginaghat naman Los Angeles MAyor Karen Bass an mga residente nga sumunod ha mga igpapatuman nira nga mga direktiba kanit ha pagabot han makusog nga bagyo.
Magdudurot naman hin mahaluag nga pagbaha an bagyo ha parte han Bay Area han San Francisco.
Ginbabanabana naman han mga meteorologist nga magdadara an nasabi ga bagyo hin 5 kutob 8 ka feet hin yelo ha Sierra Nevada.
Ha Huwebes naman in ginalaloman nga mahirayo an bagyo ha parte han California.
