Nakakuha an Pilipinas hin $6.78 milyon nga technical assistance grant tikang ha Green Climate Fund (GCF) agud pakusgon an kapas han nasud ha pagbug-os, pagkuha han pondo, ngan pagpapatuman han mga proyekto may paghisumpay ha climate change.
Mahitungod hini, nagin pinakasyahan nga nasud ha Asia-Pacific nga nakatagamtam ha readiness support ha ilarom han ikaduha nga replenishment period han GCF para ha 2024–2027.
An Third Readiness and Preparatory Support Program (RPSP 3), nga gin aprubahan dida han Hunyo 24, in nakahan-ay ha National Adaptation Plan ngan Nationally Determined Contribution Implementation Plan.
Panuyo hini nga maka-aghat hin mas damo nga global fund para ha mga proyekto nga magpapakusog ha climate resilience, food ngan water security, malimpyo nga enerhiya, ngan proteksyon ha mga pinakaapektado nga komunidad.
Labot ha pondo, panuyo gihapon han programa nga pakusog an koordinasyon han mga ahensya han gobyerno, magbug-os hin mas damo nga proyekto nga subay ha nasyunal nga prayoridad, ngan paupayon an monitoring ngan knowledge systems. Makikigbinuligay an Department of Finance ha Global Green Growth Institute, United Nations Development Programme, ngan Deutsche Gesellschaft für Internationale Zusammenarbeit ha pagpapatuman han programa.
Sumala ha Department of Finance, nag-aandaman na gihapon ito ini panibag-o nga proposal ha ilarom han GCF nga posible maghatag hin kadugangan nga $3 milyon nga grant. Ginlalauman nga makakabulig an duha nga climate action in mahingangadto ha mga proyekto nga mayda pinakadako nga pakinabang ha mga komunidad ngan ha panmaihaan nga pag-ursa han nasud.
