NATIONAL–Ginpailarom an Philippine Atmospheric Geophysical and Astronomical Services Administration an bulkan Mayon ha Alert Level 2 yana nga syahan nga adlaw han tuig 2026.
Subay ini ha ira ginpagawas nga Mayon Volcano Bulletin kanina nga alas 6 han aga.
Gintudlok an alert level hini mahitungod nga mayada kabugosan nga 599 ka rockfall events an nahipatik ha urhi nga 2 ka bulan han 2025 o purluminos 10 ka events kada adlaw.
Pero, ha urhi nga semana han naglabay nga tuig, gumios ini ha 21 ka events kada adlaw kun diin 47 an nahipatik nga mga rockfall events kakulop, ika 31 han Disyembre.
Sumala ha ahensiya nga usa nga signos an pag-gios han rockfall events han magmatic dome growth ha upper edifice han bulkan nga nahihitabo bago hin pagbuto o eruption.
Gin-abiso naman han ahensya ha publiko nga magin bidyilante ngan dire sumulod ha 6-km nga radius Permanent Danger Zone in paglikay han mga risgo durot hiton patigda nga pagbuto, pyroclastic density currents, rockfall, mga ladslide, ngan mga ballistic projectiles.
