TACLOBAN CITY– Maabot na ha 44, 913 nga mga parag-uma ngan parupangisda an nabayaran han ira mga indemnity claims ha bug-os nga Sinirangan Bisayas.
Sumala kan Philippines Crop Insurance Corporation 8, Chief Marketeing and Sales Division, Benita Alberto, an nasabi nga datos in tikang ha Enero kutob yana nga bulan hiton Oktubre 6, 2025.
Dugang pa hine, maabot naman ha P127.945M an naihatag na nga indemnity ha nasabi nga mga benepisiyaryo.
Ginpaangbit pa han nasabi nga opisyal, nga an ira gin release yana nga indemnity in kanan daan ngan kabag-uhan nga mga claims han mga parag-uma ngan parupangisda nga naapektaran hiton mga kalamidad ha Sinirangan Bisayas.
Kasumpay hine nga panhatag hiton indemnity, kalakip na gihapon dinhe an bagyong Opong nga umigo han nakalabay nga bulan, kun diin mayda nag file hiton claims nga mga parag-uma ngan umabot an mga ine ha 5,622 indbidwal, ngan nabayaran pala han ira buhatan in ada ha 92 nga indbidwal ngan nakagpagawas hira hin salapi nga maabot P300,095,00.
Ginpatapod naman han ira buhatan, nga tatalinguhaon nira nga mahuman ine ha dagmit nga panahon.
Yana naman nga maabot nga semana, magkakamyda hira hin partial release, para hadton nadarahigan han bagyong Opong nga mga parag-uma ngan parupangisdaha rehiyon.
