TACLOBCN CITY– Ginpahibaro han Philippine Statistics Authority Eastern Visayas, nga umubos ngan huminay an inflation rate han Sinirangan Bisayas para han bulan han Enero han yana nga tuig.
Sumala kan Wilma Perante, Regional Director, Philippine Statistics Authority Region 8, nga tikang ha 4.3% han Disyembre 2023, in umubos ini ha 3.8% kun diin, dida han Enero 2023 nakada ini ha 6.9%.
Ginpa-angbit naman han nasabi nga opisyal, nga kalakip gihapon ha mga nahipatik nga paghamubo in an Food and non-beverage alcoholic beverages nga tikang ha 8.3% han Disyembre 2023 in umubos ini ha 7.3% para han yana nga Enero 2024.
Samtang, nahipatik gihapon an pinakahitaas nga inflation ha probinsya hiton Samar an 5.6%, Biliran nga mayda 4.9%, Northern Samar nga 4.0%, Eastern Samar nga mayda 3.5%, Leyte nga mayda 3.3%, Tacloban City nga mayda 3.1% ngan an pinakahabubo in nahipatik naman ha Southern Leyte ha 2.6%.
Ginmalatumat pa ni Perante, nga an transportasyon nga tikang ha -1.3% dida han Disyembre 2023, umubos ini ha 2.2% ha Enero 2024, ngan an Restaurants & Accomodation Services nga mayda 5.3% han Disyembre, umubos ini ha 4.1% han nakalabay nga bulan han Enero han presente nga tuig.
