NATIONAL – Igindiwara han Philippine Navy an pagawas han Chinese military nga nagdudumara ine hin coordinated patrols kumo baton daw ha joint military drills ha butnga han Pilipinas ngan Japan ha West Philippine Sea dida han nakalabay nga semana.
Gintawag naman ine ni PN spokesperson for the WPS Rear Adm. Roy Vincent Trinidad nga propaganda la.
Bisan man kun ginkumpirma han opisyal nga ginsundan han Chinese Jiangkai-class frigate an mga barko nga kalakip ha aktibidad, ngan dire ine maikokonsidera nga coordinated air ngan sea patrol.
Sugadman, usa kaadlaw kahuman han maritime drills dida han Dominggo, Hunyo 15, namonitor han Philippine Navy an padayon nga ilegal nga presensya han duha nga People’s Liberation Army (PLA) Navy warships ngan duha nga Chinese Coast Guard (CCG) vessels harani ha Bajo de Masinloc o Scarborough Shoal.
Ngan duha nga barko han Chinese Coast Gurad nga nag-deploy hin rigid hull inflatable boats ha Ayungin o Second Thomas Shoal, samtang usa pa nga PLA Navy warship an nasipatan harani ha Sabina o Escoda Shoal.
Ginmalatumat gihapon ni Trinidad nga kaurugan nga naghihimo hin coercive ngan agresibo nga aksyon an militray command han China kadugangan han aktibidad ngan kahuman in magpapagawas hin sayop nga claims nga nagdumara hira hin patrolya ha bisinidad han maritime zones han Pilipinas.
