TACLOBAN CITY – Maabot ha 45% an iginhitaas han budget han Philippine Crop Insurance Corp. 8, kun diin umabot ini ha 6.5 billion pesos kumpara han nakalabay nga tuig in aada ha 4.5 billion pesos.
Dida han nag labay nga tuig haros doble an igin dugang han mga nag pa insured ha Philippine Crop Insurance Corporation dinhi ha Eastern Visayas.
Sumala kan Benita Alberto – Chief. Mktg and Sales Division han PCIC Regional Office 8, umabot ha 412,338 nga parag-uma an naka insured han ira ahensya ngan kaupod naman ini an naihatag nira nga premium insurance nga maabot naman hin 457.546 million dida han tuig 2025.
Ha claims Indemnity o mga nadistroso nga pananom in maabot ha sobra 69,000 nga parag-uma nga maabot ha 205.22 million an ira nabayaran na.
Dugang ni Benita Alberto, nga an gin kakarawat naman nira para han insurance in mga standing crop o panonom nga natanom na ngan harbison na an mga ine.
Kinahanglan la nga naka insured an usa nga parag-uma ha PCIC para kun umabot man an panahon han kalamidad ngan madistroso an ira pananom in mayda hira makakarawat nga insurance.
Pahinumdom naman han PCIC-8 ha mga parag-uma ha Eastern Visayas, nga makakabulig an pag momonitor nira ha panahon hiton pagtanom agud nga dire an mga ine makawang ha oras hiton kalamidad.
