NATIONAL – Gin anunsyo ni Finance Secretary Ralph Recto nga posible maibalik an subsidiya han gobyerno ha PhilHealth ha tuig-2026 mahuman ine tanggalan hin kadugangan nga pondo yana nga tuig.
Sumala kan Recto, P53.26 billion an iginsusuhestyon nga subsidiya para ha PhilHealth ha masunod nga tuig, mas habubo hin 28.44% kumpara ha P74.43 billion nga suhestyon dida han nakalabay nga tuig para ha 2025, pero gintanggal ine han Bicameral Conference Committee mahuman nga makita nga mayda pa P280.575 billion nga reserve fund an PhilHealth.
Ha yana, umabot na ha P145.36 billion an nababayaran han PhilHealth ha benefit claims kutob han Hunyo han presente nga tuig, haros doble kumpara ha P76.89 billion dida han parehas nga panahon han nakalabay nga tuig.
Ha kaluyo han zero subsidy, ginsigurado ni Fund Management Sector Senior Vice Renato Limsiaco Jr. nga kaya la gihapon han PhilHealth nga pondohan an mas haluag pa nga benepisyo hine. Ginlalauman manggud nga maabot ha P348 billion an pondo han PhilHealth ha paghuhuman han 2025.
Dugang pa ni Recto, pakukusgon han gobyerno an serbissyo panlawas ngan mga ospital han DOH, labi na ha mga probinsya kun diin kulang pa an mga ospital. Labot pa hine, panuyo gihapon han gobyerno an zero-balance billing kaupod ha mga specialty hospitals.
Gin klaro naman hine nga waray plano nga pahitas-an an kontribusyon han mga membro ha PhilHealth ha masunod nga tuig.
