TACLOBAN CITY – Pwede na nga ma-avail han mga benepisyaryo han miyembro han PhilHealth an ira mga package han Konsultasyong Sulit at Tama o mas kilala nga PhilHealth Konsulta para hadtun mga magpapachek-up nga waray na nira babaydan o an mga serbisyo ha outpatient services sugad han konsultasyon, health screening ngan assessment, laboratory tests ngan mga medisina.
Pero sumala naman kan Dr. Rosario Suyom, Division Chief, Health Care Delivery Management Division han PHILHEALTH Regional Office 8 nga an makakavail la ini in limitado la ha mga konsulta providers nga gin accredit han PHILHEALTH ngan diri makakapili an benepisyaryo han karuyag nga doktor.
Basar ha datos han PHILHEALTH, in as of September 30, 2022 in mayda hira aada ha listahan nga 48 nga mga health providers ngan accredited han mao nga buhatan para mag avail han mao nga programa sugad han Biliran Provincial Hospital ha Biliran, Eastern Samar Provincial Hospital, Eastern Visayas Regional Medical Center ha Tacloban, Northern Samar Provincial Hospital, Maasin City Health Unit 1, ngan an Calbayog District Hospital ha Samar.
