NATIONAL NEWS- Gindiwara han Philippine Health Insurance Corporation (PHILHEALTH) nga ubos na an ira pondo, ngan hira in bankrupt na.
Ha pag-atinder ni PhilHealth President at Chief Executive Officer Edwin Mercado ha House of Representatives Committee on Health , nagpapabilin nga dako la gihapon an pondo han ahensiya.
Tikang pa han nakalabay nga tuig in damo an tirok nira ngan mayda mga pitad hira nga ginhihimo agud nga mapahitaas pa an koleksyon.
Pero nag-aaro hira hin subsidiya ha mga manbaralaod matungod ha ginpahilawig nga benefits coverage.
Ginkakalakipan ine han mga cardiovascular disease treatments, dialysis ngan kidney operations ngan damo pa nga iba.
Labot dinhi, mayda pa hira gin-aaro nga P21 bilyon nga pondo tikang ha Philippine Amusement and Gaming Corp. ngan Philippine Charity Sweepstakes Office (PCSO).
