TACLOBAN CITY – Ha nagpapadayon nga pakiki ato ha virus nga COVID-19, in padayon la gihapon nga ginbabaydan han PHILHEALTH dinhi ha atun dapit an mga benepisyaryo o claims para han SARs-COV 2 nga usa nga benefits han mao nga ahensya.
Umabot na ha P235,277,600 an total nga ginbaydan han PHILHEALTH dinhi ha atun rehiyon nga ginkokomponir hin 83,388 nga mga claims nga nagtikang ha magkadurudilain nga mga accredited facility han SARs-COV 2 sugad han Divine Word Hospital, Eastern Visayas Regional COVID-19 Testing Center, OSPA- Farmers Medical Center ngan an Salvacion Oppus Yniguez Memorial Provincial Hospital.
Sumala kan Acisclo Militante, Division Chief, Field Operations han PHILHEALTH Region 8, nga nagpapadayon an ira pambayad han mga claims han benefit package han COVID-19 Community Isolation Benefit Package o kun CCIBP nga kun diin, an amount hini in aada ha P22,449 an kada package.
