NATIONAL-Nagpahimatngon an Philippine Exporters Confederation Inc. (Philexport) han Domingo nga posible magdurot hin mahaluag nga epekto ha pankalibutan ga supply chain ngan nagduduroy nga tension ha Middle East, kasunod han pag-atake han Estados Unidos ngan Insrael ngan an pagbulos han Iran.
Ha usa nga pahayag, ginmalatumat han grupo nga an mga pag-atake ngan pag-target ha nasud ha Middle East nga mayada base military han US ngan an paghuhugot ha Strait of Hormuz, in nagdurot hin pagdelatar ha airspace ngan mga logistics samtang ginpahugot han volatility ha energy markets.
Sumala ha grupo, an mas mahinay nga paguswag han ekonomiya ngan mas hitaas nga gastos in pwede makaka-apekto ha gios han balyuay ha bug-os nga nasud.
Para ha Pilipinas, nga dako an gin-aangkon nga lana, an paghitaas ha presyo han krudo in direkta nga magpapahitaas ha gastos ha produksyon, transportasyon gan logistics.
Sumala ha Philexport, possible nga igpahinay an price competitiveness han mga produktong Pilipino ha pankalibutan nga merkado.
Kalakip ha mga sector nga pinaka apektado kay an electronics, garments, processed food ngan furniture, nga pwede umatubang ha mas hitaas nga shipping rates, insurance premiums, ngan mas maiha nga transit time kun magbabag-o o madelatar an mga ruta.
Ginbalik gihapon han grupo an naglabay nga tension ha rehiyon nga nagresulta ha freight ngan security surcharges–mga dugang ha bayad nga posible nga magpabug-at ha balyuay ngan turismo.
