MANILA, PHILIPPINES – Nabawi han Pilipinas an ranggo hini kumo ika-duha pinakadako exporter han saging ha bug-os nga kalibutan.
Papahaluwagon pa han Department of Agriculture an export portfolio para ha mga high-value crops.
Ha ilarum han 2025 High Value Crops Development Program, nandestribwer an DA hin 106,000 planting materials ha mga lokal nga parag-uma agud sobra pa nga paribhongon an produksyon han saging ngan iba pa nga produkto nga agrikultural para masolusyonan an demand ha world market.
Sumala kan Agriculture Secretary Francisco Tiu Laurel Jr., basar ha pinaka-urhi nga notisya han Food and Agriculture Organization han United Nations, kumpirmado an mga target interbensyon han gobyerno in nagbunga hin positibo nga resulta.
Na ika-duha an Pilipinas ha Ecuador ha pag-e-export han saging ngan nagpapabilin nga nangunguna nga supplier han saging ha Asya, mahuman humitaas hin 25.6 porsyento an export volume pakadto ha 2.93 million metric tons ha paghuhuman han 2025.
