Opisyal na nga ginkilala an Pilipinas kumo usa nga upper-middle-income country mahuman hini malahusan an nakatalaan nga gross national income per capita para ha nasabi nga kategorya.
Basar ha pinaka-urhi nga pangita han World Bank yana nga Hulyo, umabot ha $4,850 an GNI per capita han Pilipinas, mas hataas ha $4,646 nga nakatalaan nga threshold para ha mga nasud kaupod ha upper-middle-income category.
Sumala ha Department of Economy, Planning, and Development, an pag-saka han nasud in resulta han padayon nga pag-ribhong han ekonomiya, maupay nga pagmamangulo ha macroeconomy, ngan pagpapatuman han mga pan-ihaan nga reporma.
Nahipatik gihapon han buhatan nga rumibhong an gross domestic product han nasud hin average nga 5.8 percent tikang 2021 kutob 2025. Mahitungod hini, humitaas hin 8.5 percent an GNI per capita dida han 2025 nga nagin pamaagi agud maka-api an Pilipinas ha upper-middle-income category.
Sumala ha DEPDev, ginpapakita han bag-o nga standing han Pilipinas an karig-on han ekonomiya han ansud ha kaluyo han ginkakaatubang nga problema hini.
