NATIONAL – Target han Philippine Navy nga mag-deploy han capital ships agud protektahan an haluag nga exclusive economic zone han Pilipinas.
Sumala kan PN spokesperson for the West Philippine Sea Rear Admiral Roy Vincent Trinidad, ine an magigin pukos yana han Philippine Navy nga naka-base ha Comprehensive Archipelagic Defense Concept han Department of National Defense.
Panuyo hana nasabi nga konsepto nga mapa-upay pa an mga kapasidad han Pilipinas para depensaran an bug-os nga teritoryo hine kaupod an EEZ.
An nasbai nga mga capital ship in plano nga ig-deploy in ginkokonsidera nga pinaka-advance ngan capable unit han bisan anu nga Hukbong Pandagat.
Ha PH Navy, an ira capital ships in an Jose Rizal-class frigates, Gregorio Del Pilar-class offshore patrol vessels, Emilio Jacinto-class patrol vessels, Conrado Yap-class corvette,Malvar class offshore patrol vessel ngan iba pa.
Waray naman igpahayag han PN official kun pira nga mga capital ships an posible nga ig-deploy ha mga kadagatan nga sakop han nasud.
