NATIONAL- Ginpatuman han Pilipinas an mga targeted initiatives agud nga suportahan an permanente nga pagribhong an turismo, kalakip an ginpahaluag nga air access, language training para ha tourism workers, ngan mga bag-o nga study-based travel offerings, sumala ine kan Tourism Secretary Christina Garcia Frasco.
Ginpaangbit ni Frasco an mga pitad han nasud ha 5th Meeting of the ASEAN–Russian Federation Tourism Ministers, kun diin gintagan duon hine n panginahanglan nga bug-uson an pagtapod han biyahero pinaagi han malalauman nga connectivity, klarado nga impormasyon, pare-parehos nga aludayday, ngan de-kalidad nga human capital.
Kalakip ha mga pitad an chartered flights nga naghahatag hin direkta nga access ha Kalibo para ha mga Russian tourist, mas damo nga destination options, ngan Russian-language training para ha mga tour guide agud nga mapaupay pa an serbisyo ngan nengagement han mga bisita.
Manunumduman han nakalabay nga tuig, nagtikang an direct flights han Iraero Airlines nga nagdara hin mga turista tikang ha Russia sugad hiton Irkutsk ngan Khabarovsk pakadto ha Kalibo.
Dugang pa ni Frasco, nagbubug-os an Pilipinas hin mga study programs kumo travel product, ine in baton ha nagtitikadako nga interes han mga turista nga Ruso.
