ENTERTAINMENT–Gin-anunsyo han American rock band nga My Chemical Romance an pagbalhin han petsa han ira konsiyerto nga bubuhaton ha nasud Pilipinas.
Sumala ha social media post han banda, imbes nga ha Abril in magigin ha Nobyembre na ine pagbubuhaton.
Ginklaro nira nga dire ini kanseldo pero waray pa ginpagawas an rason han pagbalhin ini.
An mga nakapalit hin tickets para ha Abril in ira la gihapon kakarawaton pero an mga gusto nga mag-refund in pwede gihapon igbalik an ira kwarta.
Gin-ngaranan an concert nga The Black Parade ha ira malinampuson nga album nga ginpagawas han 2006.
Ginbug os an grupo han tuig 2001 han magbugto nga hira Gerard Way ngan Mikey Way upod hira Ray Toro gan Frank Lero.
Nagpagawas hira hin 4 ka studio album ugsa nga magburublag han 2013 ngan gin-anunsyo naman an ira reunion han 2019.
