TACLOBAN CITY – Patay an usa nga Persons Deprived of Liberty PDL, mahuman ine nga maghikog ha sulod han Kauswagan Jail Palo Leyte.
Ginkilala an biktima kan Antonio Doyola, 23- anyos, ngan residente han Brgy. Jones Patrana Leyte.
Sumala kan PLT. Col. Ricky Reli, Chief of Police han Palo Municipal Police Station, nga subay ha ira gindumara nga imbestigasyon, nga naghikog an biktima gamit an usa nga taklap ha sulod la mismo han mao na pasilidad.
Dugang pa han nasabi nga opisyal, nga napreso an mao nga biktima han nakalabay la nga Hunyo 2, 2022, kun diin napasakahan ine nga guilty ha kaso nga murder.
Hapagkyana, padayon pa an gindudumara nga imbestigasyon han mga kapulisan kasumpay ha mao nga panhitabo.
Nag-request gihapon an mga otoridad ha pamilya han biktima nga igpailarom ine ha otopsiya.
Mababaruan nga dire la an biktima an gin-iimbestigaran han mga kapulisan, kalakip na dinhe an kaupod nga mga preso han biktima ha selda, ngan an bug-os nga pasilidad nga pwede makagpaghatag ha mga kapulisan hin dalan agud nga maka-kuha hin ebidensya kasumpay ha tinuod nga nahitabo ha biktima.
