HEALTH NEWS – Kabombo maaram kaba na an permanente ngan maiha na nga pag-ginamit hin painkillers sugad han Ibuprofen, Mefenamic acid, Naproxen, Diclofenac ngan iba pa in mayda maraot nga epekto ha panlawas?
Mahugot nga ginsasagdon han mga eksperto panlawas ha publiko nga likayan an permanente nga pag tinumar hin painkiller. Epektibo ini para mamtanggal an ul-ol ngan paghubag nga durot han magkadirudilain nga sakit sugad han rayuma, sakit ha ulo, ngipon, gout dysmenorrhea ngan iba pa. Pero dire sadang gamiton mo ini ha sakob hin maiha nga panahon tungod nga magiging delikado na ini ha imo panlawas. Epektibo ngan talwas an painkillers kun gagamiton mo ini hin sakto. Dire ini for long term use. Kasagaran in para ha mga body pains, dire dapat mag-iha ha sobra napulo kaadlaw an paggamit hini agud malikayan an mga harmful side effects hini. Nagawas ha pag-aram nga pwede ini nga magdurot han paghinay han dalagan han dugo ha kidney, pagkadaot hini ngan mas grabe nga epekto hini an pagkamatay han mga tissues ha kidneys.
