TACLOBAN CITY – Patay an usa pedicab driver mahuman nga pagpamumusilon ha Brgy. Canramos, Tanauan, Leyte.
Sumala kan PLt. Edmer Alfonso Saavedra, OIC Chief of Police han Tanauan Municipal Police Station, ginkilala an mao nga biktima nga hi Diosdado Flores, 54 anyos an pangidaron, may live-in partner ngan residente han mao nga barangay.
Subay ha inisyal nga imbestigasyon, naghuhulat hin pasaheros an mao nga biktima nga pedicab driver han tigda nala nga daupon ini han suspek ngan ginpanmumusil.
Dayon naman nga kumalagiw an suspek mahuman an ginbuhat nga krimen.
Ha pagkayana in padayon pa an imbestigasyon han mga otoridad bahin han mao nga insidente ngan may natudlok na gihapon nga person of interest an mga kapulisan.
Nahibaruan naman nga an mao nga biktima in gin-aalegar suspek liwat hin pagpugot hin ulo o pagmatay ha usa nga biktima han nakalabay nga sobra napulo katuig.
