PALO LEYTE–Dead on the spot an usa nga pedicab driver han mapusil ine han usa nga pulis samtang ginsasaway matungod han iya pag-aamok ha Brgy. Sta Cruz, Palo Leyte.
Ginkilala an pulis ha alyas “Nash”, 33 anyos, ngan naka-destino ha Leyte Mobile Force Company ngan residente han Cavite East Palo Leyte.
Samtang, ginkilala an biktima nga hi alyas “Loklok”, 42 anyos, ngan pedicab driver, residente han nasabi nga barangay.
Sumala kan PCPT Fidel Triste, Deputy Chief of Police,Palo Municipal Police Station, nakarawat han Palo Police Station an tawag kasumpay han mao nga shooting incident banda alas 7:40 han gab-i.
Subay ha ira inisyal nga imbestigasyon, hubog an biktima ngan nag-aamok ine ha nasabi nga barangay kun diin mayda pa ine dara nga sundang, ha nasabi nga panhitabo ginsaway ine han pulis ngan nagwarning shots.
Imbes nga tumuod ha pulis, in gin-ayat lugod hine hin away, rason nga pusilon hine an pedicab driver, nga naigo naman ha tiyan nga parte han iya lawas, nga nagin rason han iya dayon nga kamatayon.
Ha pagkayana, presente nga naatubang an nasabi nga pulis hin kaso nga homicide.
