TACLOBAN CITY – Abre na para ha para ha masurrender nga mga NPA iton gintatawag nga half way house o kon peace house nga namumutang ini ha sakob han 8th Infantry Division compound ha Catbalogan City, Samar.
![](https://img.bomboradyo.com/tacloban/2020/12/131426642_1278513905861290_5934749668817855517_n.jpg)
Ini nga peace house in gintindog ipinaagi ha grant Department of the Interior and Local Government (DILG) kon diin mayda hini kalugaringon kwarto, may kusina, prayer room, entertainment area ngan iba pa nga amenities para ha rebelde nga mabalik na ha gobyerno.
Sumala kan Samar Governor Reynolds Michael Tan ini gihapon nga peace house in magseserbi nga temporary shelter ngan processing center para ha mga dati nga mga rebelde kumo kaparte han inisyatibo han LGU ha ilarom han Enhanced Comprehensive Local Integration Program (E-CLIP).
Suigon kan Tan nga hul os an suporta hini ha E-CLIP han national government ngan ginpatapod hini nga padayon nira nga aasisteran an mga returning rebels ha probinsiya han Samar.
Man ngani nag alutaga an lokal nga pangobyernuhan han Samar hin maabot P25 million pesos nga pondo para han Local Social Integration Program (L-SIP) han probinsiya kon diin pwede makakarawat an mga dati nga rebelde hin kutob 100,000 pesos ( depende kon mayda liwat nira igsusurender nga firearms) samtang naghuhulat hira han pinansyal nga ayuda tikang ha E- CLIP
![](https://img.bomboradyo.com/tacloban/2020/12/131508495_399846897998441_4753871897928174981_n.jpg)
Pira na liwat nga mga dati nga rebelde iton natagan na hin pakabuhi ngan gin enroll ha skills training han TESDA
Dugang pa ni Tan nga waray hira iba nga hingyap kundi magin mahimyang na an bug os nga probinsiya han Samar.