TACLOBAN CITY– Nagpahimatngon an Philippine Drug Enforcement Agency (PDEA-8) ha publiko, partikular na adton naninigarilyo ha bug-os nga rehiyon 8.
Sumala kan Philippine Drug Enforcement Agency (PDEA-8), Information Officer, Rogelette Urgel, mayda hira yana ginbabanatayan nga gintatawag nga Tuklaw Black Cigarette, nga tikang ha Northern Vietnam, kun diin pira nga mga rehiyon ha nasud in nakasulod na ine nga illegal nga sigarilyo.
Dugang pa ni Urgel, delikado an epekto hine ha lawas han usa nga indibidwal nga makakagamit.
Ha pagkayana waray pa report nga nakasulod na ine ha rehiyon 8.
An nasabi nga sigarilyo in nagsusulod hin 9% hiton nicotine, ngan ginkokonsidera ine nga hitaas ine kumpara han mga regular nga sigarilyo.
Labot la hiton nicotine, may kalakip gihapon ine nga cannabinoids, o active ingredients hiton marijuana nga nagreresulta naman hiton addiction ha usa nga indibidwal nga makakagamit hine.
Gintutuohan naman nga possible magresulta hiton kamatayon an paggamit han nasabi nga sigarilyo, matungod ha delikado nga epekto hine ha panlawas han usa nga indibidwal.
