Nanawagan an Palasyo hin mas mahirot nga responsable nga pag-nonotisya ha mga insidente han panmusil ha mga eskuylahan, labi na nga menor de edad an dabi.
Sumala kan Palace Press Officer Usec. Claire Castro, dapat likayan an paghahatag hin mga detalye nga puydi magdurot hin pansubad o copycat acts.
Gintagan-duon gihapon ni Castro nga importante nga igtutdo ha mga kabataan an insakto nga pamatasan, pagrespeto ha igkasi, ngan maupay nga pakikisalamuha ha mga klasmeyt ngan magturutdo.
Kasunod naman ini han magkabulag nga insidente han panmusil ha usa nga eskuylahan ha Tacloban nga ha Zamboanga. Ginhahangyo han Palasyo ha media nga proteheran an dignidad, seguridad ngan privacy han mga menor de edad, sugadman an katungod han mga namatyan ngan an padayon nga imbestigasyon ha mga insidente.
