NATIONAL – Maisog nga ginsukna ni Philippine Coast Guard (PCG) Spokesperson Commodore Jay Tarriela hi SAGIP Party-list Rep. Rodante Marcoleta, nga nagsuhestyon nga an West Philippine Sea (WPS) in usa nga himo-himo la, sanglit baton han PCG nga an pahayag ni Marcoleta in usa nga “disservice” ngan kaarawdan, labi na para ha patido ni Marcoleta.
Ha usa nga X post dida han nakalabay nga adlaw, utro nga ginpadig-on ni Tarriela an posisyon han gobyerno kasumpay ha WPS.
Ginsukan pa ni Tarriela an mga pahayag han magbabalaod kasumpay ha pagtawag ha WPS kumo peke, ngan ginpahayag nga an sugad nga pahayag in nagpapahayag ha soberanya han Pilipinas.
Gintutukan gihapon ni Tarriela an epekto han sugad nga pahayag ha mga kabataan ngan gin pakiana kun patiunan-o ine ig eeksplikar ha mga masunod nga henerasyon.
An mga pahayag ni Marcoleta in gindumara ha House Tripartite Committee hearing kasumpay ha fake news ngan disinformation, kun diin gin asukaran hine an WPS kumo usa nga imbensyon la han gobyerno.
