-- Advertisements --
NATIONAL – Iginmando ni Presidente Ferdinand Marcos Jr. ha mga hintutuinan an mas halarom nga imbestigasyon kasumpay ha daw pagkamatay han mga sabungero nga ngada yana in dire pa nakikit-an an mga lawas.
Sumala kan Palace Press Officer USec. Claire Castro, karuyag mahibaruan han Presidente kun hin-o gud ba an mga dabi hine agud mapagbaton ngan matagan hin hustisya an mga biktima ngan ira mga pamilya.
Ha yana manggud in nagpapadayon na an imbestihasyon ha nasabi nga kaso sanglit mas maupay nga hulaton nala an resulta han imbestigasyon nga gindudumara han Department of Justice.
Nagdig-on naman hi Castro nga natuod an Malakanyang ha integridad han korte ngan an nasabi nga mga kaso in mare-resolba hin naangay ha balaod o rule of law.
