NATIONAL – Iginparayaw ni Presidente Ferdinand Marcos Jr. an pagkakatanggal han Pilipinas ha Financial Action Task Force (FATF) Grey List, pagpamatuod ine nga nagin malinampuson an kampanya han nasud kontra ha kampanya han money laundering at terrorism financing.
Ha gindumara nga recognition ceremony ha Malakanyang, iginpapakita gihapon hine an paningkamot han administrasyon nga mapakusog an kredibilidad han financial system han nasud agud makuha an kumpyansa han kalibutan ha mga institusyon han nasud.
Sumala ha Presidente, mayda maupay nga epekto an igdudurot hine ha nasud, karuyag sidngon mas abot-kaya na an financial system han mga transakyon ha nasud, mas habubo an mga igbubutang nga kabaraydan ha mga OFWs nga nagpapadara hin kwarta ha ira mga paryente ha Pilipinas.
Gintagan-duon pa han Presidente nga kun nagpabilin ha grey list han Financial Action Task Force an Pilipinas, magdudurot hine in red flags ha mga investor o mamumuhunan ngan magbubutang ine ha panginano han mga negosyo ngan financial institutions han nasud.
