-- Advertisements --
NATIONAL NEWS– Mahugot nga ginmando ni Pangulong Ferdinand Marcos Jr ha Philippine Coast Guard (PCG) nga siguraduhon nga talwas an mga Pilipino nga parupangisda.
Kanit ine ha ginhimo nga water cannon han China ha mga parupangisda nga Pinoy ha Sabrina Shoal o Escoda Shoal nga kaparte pa han exclusive economic zone (EEZ) hiton nasud.
Ginmalatumat ni Palace Press Officer Undersecretary Atty. Claire Castro nga ginmando gihapon hiton pangulo an pagpapasarang han mga pwersa ha mga strategic locaitons para maprotektahan an mga ine.
Manunumduman, nasamaran an 3 nga parupangisda mahuman an ginhimo nga panbobomba hiton water cannon han China ha nasabi nga lugar.
