Gin-eksplikar ni Presidente Ferdinand “Bongbong” Marcos Jr. an rason kun kay-ano may mga isyu nga waray kaupod ha iya ikalima nga State of the Nation Address (SONA) dida han Hulyo 27.
Ha vlog nga ginpost ha opisyal nga social media page han presidente kakulop, Agosto 8, ginpa-angbit niya an mga istorya ha luyo han iya SONA. Ginpahayag han presidente nga kinahanglan niya mag-iban han mga himangrawon para diri duro nga humilaba an iya talumpati.
Ha luyo hini, ginpahayag han presidente nga an diri pagpapa-angbit han pira nga himangrawon in diri karuyag sidngon nga diri na ini importante. Sumala ha iya, hulta nala an mga waray kaupod yana nga tuig ha iya magigin SONA ha 2027.
Gin-amin gihapon han Presidente nga nagkamay-ada last minute changes samtang hiya in nagtatalumpati agud magin klaro ngan direkta an iya mensahe.
Mahihinumdoman nga nag-iha an iya ikalima nga ulat ha bayan ni Presidente Marcos hin 1 ka oras ngan 25 minutos, asya gin-ibanan an iba nga isyu para ha konsiderasyon han oras.
