Gin sigurado han Malakanyang dire tutugutan ni Presidente Ferdinand Marcos Jr. nga mayda kwestyunable nga proyekto nga maisisingit ha 2026 national budget.
Baton ine han Palasyo mahuman nga igbuyagyag nira House Deputy Speaker Ronaldo Puno ngan Marikina Representative Marcy Teodoro nga may-ada hira nakit-an nga mga kwestiyunable nga proyekto ha ilarom han 2026 National Expenditure Program (NEP).
Partikular nga gintudlok ni Rep. Puno an mga priority projects tikang ha iya distrito nga nawara ha NEP.
Ha parte naman ni Rep. Teodoro, an proyekto ng gintudlok ha NEP in nakompleto na pero utro nga natagan hin pondo ha 2025 NEP.
Sumala naman kan Palace Press Officer USec. Claire Castro, dire dayun ig judge an isyu, kinahanglan makigsumpayan anay an mga lawmakers ha Department of Public Works and Highways kasumpay ha nakit-an nga kwestyunable nga proyekto nga hibaruon anay hin maupay an detalye han proyekto.
