Iginduon han Malakanyang nga dire napadara hi Presidente Ferdinand Marcos Jr., ha resulta han mga survey, bisan pa kun humitaas an iya satisfaction ngan performance ratings dida han nakalabay nga bulan.
Sumala kan Palace Press Officer Undersecretary Claire Castro, humitaas man o umubos an numero, magpapabilin nga nakapukos an Presidente ha pagtuman ha iya trabaho ngan paghahatag hin serbisyo ha mga Pilipino.
Prayoridad daw han administrasyon an pagdadara hin mga programa, bulig ngan serbisyon ha mga residente, ngan dire an paghabol ha hitaas nga ratings.
Gin klaro naman han Palasyon nga dire hini ginpapaligid an resulta han mga survey.
Ginagamit la gihapon ini han mga membro han gabinete kumo giya ha pagpaplano ngan pagpapakusog han mga programa ngan proyekto nga igpapatuman.
Basar ha survey han Social Weather Stations (SWS) dida han Hunyo, sumaka ha 38% an performance ratings ni Presidente Marcos tikang ha 33% dida han Marso. Humitaas gihapon an iya performance ratings ha ngatanan han pangunahon nga rehiyon ha nasud.
